CERKAK ( REV )

                 KATRESNAN INGKANG BOTEN SAGED DIPUNOWAHI

                                          Dening Puspita Dewi Andarini 

Mangkeling mangkel , boten sami kaliyan tiyang ingkang nembe gerah . Gelaning gela , boten sami dipunblenjani kaliyan tresna . Boten ningali bagus menapa elek , boten ningali pinter menapa bodho , amargi sedaya menika sami mawon . Sakmenika sami kaliyan Anjasmara . Paningalipun kelop-kelop , ningali ternit ingkang wonten ing nginggilipun peturon . Amargi menawi badhe ningali usuk , sampun katutup ternit . Dados ingkang saged dipuntingali namung ternit kemawon . Ingkang dipungambaraken endah edi , sami kaliyan ukir-ikiran . Kala wingi menawi dipuntingali kanthi edi peni , ananging sakmenika boten . Amargi kala rumiyin sedaya ingkang dipuntingali menika saged nggemesaken manah , ananging sakmenika langkung ndamel boten eca . Anjasmara taksih melek boten sare ananging manahipun taksih sisah .

“ Njas Anjas , sampun ngantos ndongang – ndongong sami kaliyan sapi ompong . Menika kanca-kanca sampun kathah . wungu , sampun ngantos sare wonten ing dipan kemawon ,” swantenipun Suamni kepireng saking wingking lawang kamar .

“ sapa ? “ Pitakonanipun Anjas .

“ menika dhemenanipun panjenengan ugi sampun nengga wonten ing pendhapa ,” Sumani ngandharaken .

Kepireng wangsulanipun sumani ngoten wau , anjasamara lajeng wungu . Dhemenan menapa ta . Kedah dipunaturi wonten ing mriki menawi Anjasmara menika sanes Anjasmara ari mami jaman Menakjingga saha Damarwulan . Menawi jaman Menakjingga , Anjasmara menika ayu . Ananging menawi Anjasamara wonten ing jaman komputer menika esemipun ugi nggreget , ananging menawi dipuntingali kaliyan estri . Pramila boten nate menawi boten percaya kaliyan piyambakipun , amargi kathah tiyang estri ingkang nyelaki ahli gendhang menika . Saha piyambakipun sampun dipuntrepaken kaliyan penyanyi ingkang asmanipun Wulandari . Menika sampun kaluwihanipun Wulandari ingkang gadhah garwa ingkang bagus sanget saha setunggal  kelas anggenipun kuliah , Wulandari sarta garwanipun menika kuliah wonten ing Institut Seni Indonesia . Boten gumun menawi Wulandari menika ayu sanget saha pinter anggenipun nyanyi campursari .  Saengga boten gumun menawi Anjasmara menika dados garwanipun Wulandari .

Pramila rikala sumani Nyuwanten , Anjasamara lanjeng wungu , nguceg paningalipun , banjur mandhap saking peturon . Nyelaki Sumani kaliyan nyuwun pirsa ,” Wulandari ndherek mriki ?

Sumani mangsuli pitakenanipun kanthi alon : “ Boten , Wulandari wonten ing desa Purwantara kaliyan garwanipun . Menapa paedahipun nengga pan jenengan , jaka menika ahli gendhang namung pikantuk damelan ingkang kala-kala kemawon .

“ Kenging menapa panjenengan ngendika demenan kula mriki ? “ ngendikanipun Anjasmara kanthi mbesengut

“ Demenanipun panjenengan wonten pinten ? “ Sumani nyuwanten .” Menika …..Nanik ugi rawuh . Menapa demenanipun panjenengan wonten kalih ? “

“ Boten nggih , “ ngendikanipun Anjasmara

“ Nik….Nanik , iki lho Anjas nembe wungu . Menika dipunajak medal kemawon .” Sumani nyuwanten

“ Mas kados pundi kendharaanipun sampun siap dereng ? “ Pitakonanipun Nanik kaliyan nyelaki kamaripun Anjas .

“ Sampun beres , “ wangsulanipun Anjasmawa .

“ Beres-beres , ingkang madosaken kendharaan menika kula ,” Sumani tumut nyaut menawi boten dipunsuwuni pirsa .

“ Ngoten menika ugi kangge kapentingan kanca piyambak ta mas ? “ ngendikanipun Nanik kaliyan tumuju kamaripun Anjas .

“ He , sampun ngantos mlebet kamar rumiyin , taksih badhe kathokan ,” ngendikanipun Sumani .

“ Sami medal rumiyin , “ ngendikanipun Anjasmara kaliyan mlebet kamatr malih . Kanca-kanca sedaya sampun minggah kendharaan . Ancasipun badhe tanggapan wonten ing Purwantara ingkang tlatahipun wonten ing Wonogiri .

“ Kursi ingkang celakipun nanik sampun ngantos dipunlenggahi , menika sampun dipunweling , kala wau sampun dipunginakaken Anjas ,” Sumani nyuwanten kaliyan ngguyu . Sanesipun tumut ngguyu sedaya . Nanik namung mesem kemawon . Anjasmara boten isin lenggah wonten celakipun Nanik .

“ Kanca-kanca minangka kancanipun nanik matur nuwun kala wingi sampun kersa rawuh wonten ing slametanipun Nanik ,” swantenipun sumani wonten ing tengah-tengah swanten mesin kendharaan .

“ Nanik namung menjep kemawon , sanesipun ngguyu amargi mangertosi menawi sumani menika namung tukang gojeg . Anjas nyikut Nanik kaliyan ngendika

“ Boten sah dipunpikiraken , dipunuja kemawon tutukipun . “

“ Kala wingi Nanik boten sukuran , amargi Anjas kaliyan Wulan sampun pedhot . Lajeng calonipun Anjas boten wangsul tumuju Nanik ,” Sumani taksih ngguyu .

Sanesipun sami ngguyu ger-geran . Nanik menika boten ngawontenaken sukuran amargi menika namung guyunane sumani mawon .

Sedaya kanca-kanca Campursari sami ngguyu cekakakan . Namung Anjas ingkang boten ngguyu .

“ Nik …. Samangke sampun ngantos nyanyi “ wuyung “ utawa “ weke sapa “ , amargi samangke Anjas boten saged nggendhang .” ngendikanipun sumani kaliyan taksih mbebeda .

Anjas nyikut bangkekane Nanik kaliyan ngendika ,” Boten sah dipuntanggepi .

Nembe mawon mingkem tutukipun Anjas , hp ingkang wonten kathongipun nyuwanten . Nanik ingkang ngandharaken . “ Tilpun mas .”

Anjasmara mendel kemawon lajeng mendhet hp . Nanik ugi mendel tanggap sasmita .

“ Halo , inggeh leres kula tiga-tiga ,” Anjas mangsuli liwat Hp

 “ Kados pundi ? menika kula wonten ing dalan . Badhe tindhak purwantara dhaerah wonogiri . Leres , kula sareng-sareng njagong tindhak griyanipun Wulandari .” Mendel sekedhap mirengaken tiyang ingkang nilpun . Boten dangu malih sampun semaur : “ menika kula celak kaliyan Nanik . Inggeh boten wonten rahasia .

Sumani ingkang lenggah e namung celak nyuwanten ,” Edan mas , tindhak Purwantara celak kaliyan demenan . taksih dipuntambahi tilpun saking bos . Menapa pikantuk damelan ?

Anjas mendhel  kemawon kaliyan mesem . Nanik boten nyuwun pirsa : “ wonten menapa ta mas?

“ menika kabar damelan  . Kula didhawuhi wangsul , amargi menika penting “ , wangsulanipun Anjasmara .

“ Dipunlajengaken kemawon anggenipun jiwit-jiwitan “, suwantenipun sumani ,” Kancanipun mirengaken ngendikanipun sumani kalau wau sedaya sami ngguyu , ananging Anjas kaliyan Nanik namung mendhel kemawon .

Ingkang dipunpikir sanget inggeh menika kahanan ingkang taksih repot . Menawi Rudi dipuntangkep polisi , wonten dalu menika ugi kedah tindhak purwantara ngalamar Wulandari , sampun boten saged utawi boten siyos . Ingkang begja malih Anjas . Ananging sedaya tiyang ingkang sami mangertosi menawi rudi dipuntangkep amargi laporan saking koranipun Anjas .